Namantinir ti Bagyo Luis iti kapigsa na kabayatan iti panagtalinaed daytoy iti kabaybayan a sakupen ti akindaya a paset ti Aurora.
Naudi a nasaripatpatan iti sentro ti Tropical Depression Luis iti kaadayo a 130 km Daya Abagatan-a-Daya ti Casiguran, Aurora ken kabuyog na iti angin a 55 km/h asideg ti tengnga ken kapegges nga agingga 70 km/h.
Nakapasidong iti Tropical Cyclone Wind Signal No. 1 dagiti sumagannad a lugar:
- Central and eastern portions of Cagayan (Enrile, Tuguegarao City, Peñablanca, Piat, Santo Niño, Camalaniugan, Tuao, Lal-Lo, Gonzaga, Alcala, Amulung, Santa Teresita, Baggao, Buguey, Solana, Rizal, Santa Ana, Gattaran, Iguig, Lasam, Aparri, Ballesteros, Abulug, Allacapan, Pamplona)
- Isabela
- Quirino
- Eastern and southern portions of Apayao (Flora, Santa Marcela, Conner, Pudtol, Luna)
- Eastern portion of Kalinga (City of Tabuk, Tanudan, Pinukpuk, Rizal)
- Eastern portion of Mountain Province (Paracelis, Natonin)
- Eastern portion of Ifugao (Aguinaldo, Alfonso Lista)
- Northern portion of Aurora (Dinalungan, Casiguran, Dilasag, Dipaculao, Baler)
- Polillo Islands
- Northern portion of Camarines Norte (Daet, Talisay, Paracale, Jose Panganiban, Capalonga, Vinzons)
Mangipaay ti bagyo iti panagtudo a nabuyogan ti angin idiay Cagayan, Isabela, Quirino, Apayao, Kalinga, Mountain Province, Ifugao, Aurora, Quezon, ken Camarines Norte.
Mangipaay met daytoy ti mawaraswaras a panagtudo ditoy Ilocos Region, idiay Metro Manila, Central Luzon, nabatbati a paset ti Cordillera Administrative Region, nabatbati a paset ti Cagayan Valley, nabatbati a paset ti CALABARZON, Occidental Mindoro, Oriental Mindoro, ken Marinduque.
Iti kapada a paniempo iti igubuay ti Southwest Monsoon wenno ti Habagat idiay Antique, Iloilo, Guimaras, ken Negros Occidental.
Bayat a panagarbis iti nabatbati a paset ti pagilian gapu ti Localized Thunderstorms.
Kabayatanna, kangrunaan a tumbuken ti bagyo Luis iti amianan-a-laud a direksion ken posible nga ag-landfall wenno umasideg ditoy Northern Luzon ita a rabii wenno inton bigat, Agosto 4 iti agsapa. Kalpasanna ket agsikko iti daya amianan-a-daya bayat nga umad-adayo iti kadagaan ti Pilipinas.
Segun ti PAGASA, posible pay nga agbaliw iti direksion ken forecast ti bagyo kadagiti sumagannad a bulletins.
Agtalinaed met a kas tropical depression iti bagyo Luis iti forecast period ken kumapsot inton Huwebes, Agosto 5 sakbay a maabsorba iti sirkulasion ti Tropical Cyclone DOLPHIN.
Iti sabali a bangir, naudi a nasaripatpatan ti Typhoon Dolphin iti ruar ti Philippine Area of Responsibility (PAR) iti kaadayo a 2,850 km Daya Amianan-a-Daya ti Extreme Northern Luzon.
Kabuyog na iti kapigsa ti angin nga 155 km/h ken kapegges nga agingga 190 km/h bayat a dupdupagen iti Laud Amianan-a-Laud a direksion iti kapaspas a 25 km/h.
SUNRISE: 5:39 AM
SUNSET: 6:29 PM
