BR LA UNION – Namantinir ti Tropical Depression Luis ti kapigsa na bayat a dup-dupagenna ti laud amianan-a-palaud agturong iti daya a kabaybayan ti Aurora.
Naudi a nasaripatpatan ti sentro ti bagyo Luis iti kaadayu a 200 km daya ti Baler, Aurora, kabuyog ti angin a 55 km/h asideg iti sentro ken kapegges a dumanon iti 70 km/h.
Dup-dupagenna iti laud amianan-a-palaud iti kapartak a 15 km/h.
Nakaipasidong iti Signal No.1 dagiti sumaganad a lugar:
LUZON:
- Southern portion of Cagayan (Enrile, Tuguegarao City, Peñablanca)
- Isabela
- Quirino
- Northern portion of Aurora (Dinalungan, Casiguran, Dilasag, Dipaculao, Baler),
- Polillo Islands
- Northern portion of Camarines Norte (Daet, Talisay, Paracale, Jose Panganiban, Capalonga, Vinzons)
Makapad-padas dagiti nasao a lugar ti panagtudtudo ken napigsa nga angin kas epekto ti bagyo Luis ken Habagat.
Namnamaen nga ag-landfall ti bagyo iti Northern Luzon inton bigat ti malem wenno rabii (August 3).
Kalpasan nga ag-landfall, namnamaen ti nabuntog nga ipapanaw na iti kadagaan ti Pilipinas.
Nupay kasta, posible nga agbaliw ti forecast track iti sumarsaruno a bulletin.
Ti bagyo Luis ket namnamaen a pumigsa ken agbalin a tropical storm iti sumaruno a 12 nga oras bayat ti panagturong na iti daya a kabaybayan ti Central Luzon.
Inton Miyerkoles (Agosto 5), namnamaen a naan-anayen a kumapsot ken agbalin-to laengen a remnant low sakbay ti posible a pannakabukel ti Tropical Cyclone DOLPHIN.
