LA UNION – Mapatta-patta a sumrek iti tropical storm Kong-rey iti Philippine Area of Responsibility (PAR) inton rabii wenno agsapa ti Domingo, October 27, segun iti PAGASA.
Nu naan-anayen a sumrek iti PAR ti bagyo nga addaan ti international name a Kong-Rey, maawagan daytoy a bagyo Leon, maika-12 a bagyo ditoy Pilipinas ita a tawen.
Iti nasao a bagyo ket naudi a nasaripatpatan iti kaadayu a 1,825 kilometro daya ti central Luzon, kabuyog na ti angin nga 65 kilometro kada oras asideg iti sentro ken kapegges a dumanon iti 80 kilometro kada oras.
Agtur-turong iti laud, amianan-a-laud iti kapartak a 25 kilometro kada oras.
Maibasar iti weather outlook ti PAGASA, iti bagyo Kong-rey ket in-inut a pumigsa bayat nga adda iti Philippine Sea, posible a dumanon iti severe tropical storm category inton Domingo, Oktubre 27, ken typhoon category inton Lunes, Oktubre 28.
Namnamaen a mangigubway daytoy ti panagtudutdo iti amianan a paset ti Luzon.
Kabayatanna, posible a pumigsa iti epekto ti southwesterly winds babaen ti impluwensiya ti Severe Tropical Storm Kristine, a mangigubway ti panagtudtudo iti laud a paset ti Southern Luzon, Visayas ken Mindanao.
Iti tyhpoon trami wenno sigud a bagyo Kristine ket naudi a nasaripatpatan iti kaadayu a 905 kilometro laud ti Bacnotan, La Union.
Kabuyog na ti angin nga 120 kilometro kada oras asideg iti sentro ken kapegges a dumanon iti 150 kilometro kada oras.
Agtur-turong iti laud iti kapartak a 20 kilometro kada oras.
