Binabalaw ni U.S. President Donald Trump ti plano ni Elon Musk a mangbukel ti baro a political party nga inawagan na kas “America Party”.
Para kenni Trump, daitoy ket “ridiculous!” wenno pagkakatawaan a mangipaay laeng ti pannakatikaw manipud kadagiti botante. Innayon na nga umdasen dagiti dua a partido idiay Estados Unidos ken saan met pulos kunana nga agballigi ti third party.
Ti waragawag ni Trump ket sakbay ti panagsakay na ti Air Force One pasubli idiay Washington.
‘I think it’s ridiculous to start a third party. We have a tremendous success with the Republican Party. The Democrats have lost their way, but it’s always been a two-party system, and I think starting a third party just adds to confusion’
‘It really seems to have been developed for two parties. Third parties have never worked, so he can have fun with it, but I think it’s ridiculous’
Kabayatanna, ti baro a partido ni Musk ket sungbat iti baro a linteg ti administrasyon ni Trump a ‘tax-cut at spending bill’. Pinermaan idi daitoy ni Trump a kamaudiananna ket binabalaw ni Musk gapo kunana ta napeggad iti linteg para ti ekonomiya ti Estados Unidos.
Nangrugi iti tensyon dagiti dua kalpasan a mapukaw ti green-energy credits para ti Tesla babaen ti baro a linteg. Nagpangta pay ni Trump nga ibabawi dagiti kontrata ken subsidiya ti gobierno para ti Tesla ken SpaceX.
Innayon ti Presidente a saan a rumbeng a nadutokan ni Jared Isaacman, kaalyado ni Musk, kas baro a lider ti NASA gapo iti conflict of interest.
‘I also thought it inappropriate that a very close friend of Elon, who was in the Space Business, run NASA, when NASA is such a big part of Elon’s corporate life’
‘My Number One charge is to protect the American Public!’
Iti sabali a bangir, intantan met ti Azoria Partners ti panangiruar ti Tesla-focused investment fund da gapo iti baro a partido ni Musk. Ibilbilang da daitoy a dakkel a lapped iti trabaho na kas CEO iti kompanya.
