LA UNION – Umaboten iti pakabuklan a P1.1 billion iti balor ti tulong a naidanon ti gobyerno para kadagiti biktima ti naglabas a bagyo maibasar iti datos ti National Disaster Risk Reduction and Management Council (NDRRMC).
Karaman a naibunong dagiti taraon ken non-food items nga indaulwan dagiti ahensya ti gobyerno kas ti Department of Social Welfare and Development (DSWD), Office of the Civil Defense (OCD), local government units (LGU), ken ti dadduma ket manipud iti non-government organizations.
Malaksid dayta, impadamag ti NDRRMC, a naibunong metten ti DSWD iti pakabuklan a 1,013,000 family food packs kadagiti rehiyon ti pagilian a dinalapos dagiti naglabas a bagyo.
Segun pay iti NDRRMC umaboten iti nasurok 2,200,000 a pamilya ti naapektaran wenno buklen ti aganay 8,630,000 nga indibidwal.
