Ad-adda itan a maikkan iti kinaagpaysuan ti alegasion ti Ukraine nga adda dagiti soldado ti North Korea a tumultulong iti Russia.
Iti retrato nga inbinglay ti Defence Intelligence of Ukraine iti social media, makita ti sumagmamano a soldado ti North Korea nga agsansanay idiay Russia.
Innayon ti Ukraine a di kumurang a 12,000 a soldado ti North Korea ti adda idiay Russia iti agdama.
Immuna metten a pinaglibakan ni Russian President Vladimir Putin ti nadakamat nga alegasion.
