Nalpasen ti damo a panagdengngeg ti International Criminal Court idiay The Hague, Netherlands ti crimes against humanity ni sigud a Presidente Rodrigo Roa Duterte.
Nupay kasta, saan a nakadar-ay ti 79-anyos a sigud a Presidente isu a pinalubosan da latta daitoyen babaen iti video link.
Nasurok a 35 a minuto ti pannakadengngeg ti kaso nu sadiay nagserbi ti sigud nga Executive Secretary a ni Salvador Medialdea kas abogado ni Duterte.
Kinuna ni Presiding Judge Iulia Motoc a gapo ta maysa laeng a confirmation hearing ti napasamak isu a dida impalubos nga ti motion ti kampo ni Duterte nga itantan daitoy agingga inton sumaruno a lawas.
Impaganetget ti MedialDea a rumbeng koma a maikkanda iti umdas a tiempo a mangilawlawag iti sigud a presidente kadagiti proseso ti panagdengngeg ngem inlaksid met dayta ti ICC.
Inbinglay pay ni Medialdea a saan a patas ti pannakaarestar ti ICC iti sigud a presidente.
Garud, ket intuding ti ICC ti sumaruno a pannakadengngeg ti kaso inton Setiembre 23, 2025 tapno masaganaan a nalaing ti kampo ni Duterte.
