Inpakaammo ti Philippine Embassy sadiay Seoul a pinaatiddog ti gobierno ti South Korea ti programada para iti voluntary exit dagiti saan a dokumentado a ganggannaet manipud iti nadakamat a pagilian.
Pakaammo ti Ministry of Justice (MOJ) ti South Korea, ti pannakapalawa ti programa ket agingga laengen iti Enero 31, 2025.
No ag-avail dagiti undocumented foreigners idiay South Korea sakbay ti nadakamat a deadline, saanda a mamulta ken saanda a mai-blacklist.
Binalakadan met ti Philippine Embassy dagiti awan dokumentona a Pilipino a gundawayanda ti nasao nga extension.
Paregtaen pay ti Embahada ti tunggal maysa a mangtaginayon iti balido ken legal ti kasasaadda, kasta met ti pasaporte ken dadduma pay a dokumento, bayat ti panagtrabaho wenno panagnaed iti nadakamat a pagilian.
