LA UNION – Temporaryo a nawaya-wayaan manipud custodiya ti Bangar Police Station iti dua a suspek ti panagtakawan iti naduma-duma a pagadalan.
Daytoy ket kalpasan a sinukon ken nagbayad ti piyansa iti pamilya dagiti suspek, para iti kaso dagitoy a robbery.
Segun kenni PCI Rogelio Miedes, agdama a hepe ti Bangar PNP, dagiti nawaya-wayaan ket isuda Sherwin Bilog, taga Bauko Mt. Province ken Rudy Alacyang, taga Besao, Mt. Province.
Maipalagip a dua a kakadwa dagitoy iti natay iti operasyon dagiti otoridad idiay Barangay Rissing, Bangar, La Union kalpasan a ginandat da a takawan iti pagadalan sadiay.
Dagitoy ket isuda Eugene Baclig ken Maydan Bilog.
Maipalagip pay a ti nasao a grupo iti maak-akusaran a nagtakaw iti naduma-duma a pagadalan idiay probinsiya ti Ilocos ken La Union.
