LA UNION – Madama a mangisaysayangkat iti imbestigasyon iti mangimatmaton ti President Elpidio Quirino National High School maipapan iti panagpakamatay ti maysa nga estudyanteda idiay ili ti Agoo, La Union.
Iti pannakiuman ti Bombo Radyo kenn Principal Emilyn Jubayan, kinunana a sukimatenda iti record ti grade 11 student a ni Rosean Dulce ken kasaritana met ti maestrana tapno maammuan ti pudno a napasamak sakbay a natay daytoy.
Sigun kenni bJubayan, iti pannakaammona ket dinillaw ti teacher iti panagkawes ti estudyante gapu ta makitkita ti buy-ong daytoy.
Impaayabda iti nagannak ni Dulce tapno pagsaritaan iti wagas ti panagkawkawes ti estudyante ngem saan a nagparang dagitoy idiay pagadalan.
Kabayatanna, nangisagot met iti panagkararag ti mangimatmaton iti pagadalan ken dagiti estudyante para iti pimmusay a ni Dulce. (Abs Flores)
