LA UNION – Pinaglibakan ni Punong Barangay Janefair Choi ti Barangay Sta. Lucia iti ili nga Aringay a dinangranda ti maipagarop nga akusado iti rape a ni Carmarx Papa a taga Barangay Salcedo, Luna, La Union.
Segun kenni Choi, inimbitaranda laeng ni Papa iti Barangay tapno pagsaritaan ti akusayon kadua ti live-in partner daytoy.
Kinuna pay ni Choi a sakbayda nga inimbitaranda ni Papa iti Barangay ket nakaawat daytoy ti reklamo manipud iti live-in partner na a ni Helen Bermudez a maipagarop nga nirames na ti 6 ayos nga anak na.
Kalpasanda a kinasarita ket inturn-over da daytoy iti Aringay Police Station para iti kanayunan pay nga panagsasarita mainaeg ti akusasyon kontra kenkuana.
Aldaw ti Martes, Pebreo 11, 2020 idi inpakaammo kadakuada ti Aringay Police nga awan iti poderda ni Papa agsipudta maipagarop a naglibas daytoy.
Kinuna met ni Bermudez a numan lima a tawenda a nagdinna ni Papa kas live-in partner ket adda dagiti gundaway a dangdangran na dagiti agina. Ngem nasingpet met daytoy kuna no saan a nakainom ti arak.
Numan nakakaasi iti pannakatay ni Papa ket desidido latta ni Bermudez a mangidatag ti kaso.
Kabayatan na, insalaysay met ti 6 anyos nga ubing iti maipagarop nga inaramid a panangrames kenkuana ti maipagarop a panangamaen na a ni Carmarx.
Maipalagip, nasarakan a maysan a bangkay ni Carmarx idi malem ti Febuary 13 iti Barangay San Pascual idiay ili ti Tuba, Benguet nga addaan ti sugatan iti bagi, naka posas ken nabalkot ti masking tape iti rupa na.
