LA UNION – Nakasalat iti ambuish iti provincial election officer ti Sulu a ni Atty. Vidzfar Julie, agtawen ti 52.
Ngem maipagarop a natay iti kabsat na a ni Nader Am, agtawen ti 57, nga immuna a naipadamag a kritikal ti kondisyon na.
Maibasar iti report, nakalugan ti agkabsat iti nangisit a Fortuner SUV idi maipagarop a tinambangan ti saan pay a nabigbig a suspek idiay Barangay Sta. Maria, Zamboanga City itay agsapa.
Inawagan ti Comelec official ti insidente a kinatakrot.
Kabayatanna, nainget a kinondinar ni Comelec Chairman George Garcia iti insidente ket inawagan a panang-traydor daytoy kadagiti kameng ti komisyon.
Kiniddaw ni Garcia kadagiti otoridad a dagus nga aksiyunan ti nasao a krimen.
Saan pay a nalawag iti pudno a motibo ti krimen.
