LA UNION – Naidatagen idiay piskalya ti kaso a homicide kontra iti agkabsat a maipagarup a nangpapatay ti nakainumanda.
Iti report a nakalap ti Bombo Radyo manipud idiay Luna Police Station, maur-uray laengen ti resolution nga iruar iti prosecutor’s office para iti pagbanagan ti kaso kontra kadagiti suspek nga isuda Marvin, 20 ken Jonathan, 18, ti Barangay Paagan, Santol, La Union.
Immuna iti daytoy, nasarakan dagiti residente ti kadardara a bagi ti biktima a ni Eugenio Bautista a nakadasay ken ginaburan pay dagiti suspek daytoy iti bulong ken sanga ti kayo idiay igid ti kalsada iti Barangay Carisquis, Luna.
Maipagarup a kinabil ket tinupakanda may iti dakkel a bato ti biktima nga isu ti makagapu ti pannakatay daytoy.
Idi a masarakan ti bangkay ket simmuko dagitoy idiay kwerpo ti pulisya.
