BR LA UNION – Nabukel a tropical depression wenno bagyo pasado alas-8 idi rabii, iti nasaripatpatan a low pressure area (LPA) iti uneg ti Philippine Area of Responsibiity (PAR).
Segun iti Philippine Atmospheric, Geophysical and Astronomical Services Administration (PAGASA), maawagan daytoy a bagyo “Auring” ken umuna a bagyo ditoy pagilian a simrek ita a tawen.
Maibasar iti WEATHER ADVISORY NO. 28 ti DOST-PAGASA, iti bagyo Auring ket mangigubway ti 50-100 mm a tudo idiay Batanes ken Cagayan.
Naudi a nasaripatpatan iti kaadayu a 295 kilometro Amianan ti Itbayat, Batanes. Kabuyog na ti angin nga agpigsa ti 45 kilometro kada oras ken kapegges a 55 kilometro kada oras.
Agtultuloy a dupagen ti bagyo Auring iti amianan amianan-a-palaud iti kapartak a 15 kilometro kada oras.
Namnamaen nga ag-landfall idiay Taiwan ita nga agsapa, kagiddan iti panagkapsot ti bagyo Auring ket namnamaen nga agbalin met laeng a maysa a Low Pressure Area ita a bigat gaputi land interaction.
Namnamaen a rumuar ti bagyo Auring iti Philippine Area of Responsibiity inton rabii.
