LA UNION – Desidido iti pamilya ti pimmusay nga driver ti van a nakadinnungpar ti truck iti kawatiwatan ti national highway idiay paset ti Barangay Talogtog, San Juan, La Union, itay kanikadua
Segun iti pamilya ni Christan Martinez, 23, baro, residente ti Barangay Nagsaraboan, idiay ili ti Bacnotan, mangidatagda iti kaso a reckless imprudence resulting to homecide and damage to property kontra iti respondent driver a ni Defensor Wagteng, 32, residente ti Alilem, Ilocos Sur gapu iti napasamak kenkuana ken pito a sabsabali.
Kabayatan na, tallo laengen manipud iti pito nga nasugatan ti agtaltalinaed ita iti pagagasan ken agtultuloy a matamtaming.
Maipalagip, nag-overtake ti truck a minaneho ni Wagteng nga agturong ti amianan a direksyon idinto nga agpaabagatan met iti nagluganan dagiti biktima manipud iti church service idi mapasamak ti nakaam-ames a pasamak.
