Agladladingit ita ti sibubukel a kameng ti Tubao Municipal Police Station ti pannakatay ni Police Major John Maynard Macusi.
Maipalagip a natay isuna kalpasan a naaksidente iti man-manehuen na a kotse iti kawatiwatan ti national highway a sakop ti Barangay Guinabang, Bacnotan, La Union idi kalman, iti oras alas 12:51 ti aldaw.
Ti pannakiuman ti Bombo Radyo La Union ken n PCol. Lambert A. Suete, Provincial Director ti La Union Police Provincial Office Region 1, ni Macusi ket karaman ti Class on 2014 ti PNPA.
Segun kenkuana, sakbay a napasamak iti insidente, naggapu ni Macusi ti Police Provicial Office para ti drug test.
Imbatadnapay, nagpakada isuna kenni Suerte a agawid idiay Sudipen tapno alaen ti napateg a banag ngem kabayatan ti panagsublina ditoyen a napasamak ti aksidente a rason ti dagus na pannakatay.
Innayon pay ni Suerte a ti maysa a rason ti pannakaidungparna ti kasinnabat a fortuner a minaneho ti managan Avelino Ledda Anastacio Jr ket gapu ti bannogna iti trabaho ken ti pannaka-pukawna ti kontrol ti kotse.
Gapu iti pigsa ti impact ti aksidente, nagsagaba isuna ti nakaru a pannakadundunor ken naideklara a dead-on-arrival idiay Bacnotan District Hospital.
Kabayatanna, adda metten ti makitkitada a mabalin a sumukat kenkuana iti napanawanna a posisyon ngem kasapulan pay nga iyuman iti local chief executive.
