Nangiyuswat ti raid ti US immigration agents idiay Newark, New Jersey worksite idi aldaw ti Huwebes, Enero 23, oras idiay Amerika, iti kangitingitan ti crackdown ti Trump administration kadagiti illegal immigrants.
Iti maysa a statement, kinuna ni Newark Mayor Ras Baraka a napaay dagiti Immigration and Customs Enforcement (ICE) agents a nangidatag iti warrant iti isu metlaeng a tiempo a panangtiliwda kadagiti awan dokumentona nga umili iti maysa nga business establishment nga Ocean Seafood depot idiay Newark, ruar laeng ti New York City.
Kinunana a maysa kadagiti naibalud ket US militar veteran a nakapadas ti panangbabain ti dignidad kalpasan a kuestionaranda ti kinalehitimo ti military documents na.
Iti maysa a statement ket kinuna met ti pannakangiwat ti Immigration and Customs Enforcement nga imbestigaranda ti insidente.
Segun ken ni Mayor Baraka, ti nairugi a raid ket nilabsing ti karbengan dagiti tattao iti sidong ti US Constitution.
Impadamag ti pannakangiwat ti White House a ni Karolin Leavitt a 538 a tattao ti inarestar ti administrasion ni Trump idi Huebes laeng ket nailadawan dagitoy kas illegal immigrant criminals.
Kinunana a dagiti naarestar ket kameng dagiti Venezuelan prison gang ken dagiti indibidwal a convicted ti sex crimes.
