Ni-reject ti Estados Unidos ti UN Security Council resolution a mangdawdawat iti madagdagos a ceasefire iti gera sadiay Gaza gapo ta saan daitoy a konektado iti madagdagos a pannakawaya-waya dagiti nahostoge nga Hamas militants idiay Israel idi Oktubre 7, 2023.
14 manipud iti 15 a miyembro ti konseho ti pimmabor ti resolution pakairamanan dagiti kaalyado ti Amerika a Britain ken France, ngem nakompormiso daitoy gapo iti panag-veto ti Estados Unidos.
Inlawlawag ni US deputy ambassador Robert Wood a sumagmamano a lawas da nga trinabaho tapno maliklikan ti panag-veto ti nasao nga resolution nga inisponsoran dagiti sangapulo a nabotosan a miyebro ti konseho.
Kinunana nga inlawlawag na kadagiti negosasyon a san da masuportaran ti maysa nga unconditional ceasefire a napaay a mawayawayaan dagiti hostages.
Ikonkonsidera pay daitoy ti Hamas, kaspangarigan, a kas vindication iti cynical strategy da tapno malipatan ti international community ti pagtungpalan dagiti nasurok 100 a nahostage manipud iti nasurok 20 nga estado nga adda iti sidong ti Hamas ti las-ud iti 410 days.
