Agleppasen ti ceasefire ti nagbaetan ti Estados Unidos ken Iran inton rabii ti Mierkules, Abril 22 (Washington time), segun mismo kenni US President Donald Trump.
Kinuna ni Trump a posible a saanen daitoy a mapawayway kasta met a manamnama ti agtultuloy a rinnaut apaman mapaay ti maikadwa a paset, wenno awan ti mabukel a baro a katulagan.
Ita nga aldaw ti Martes ket agbiahe sadiay Pakistan ni US Vice President JD Vance kadwa dagiti nangangato nga opisyales ti Estados Unidos para ti posible a negosasyon.
Nangipeksa met ti panagtalek ni Trump a dumar-ay ti Iran, nga uray nagkedked isudan nga immuna ken impaganetget nga awanen ti aniaman a negosasyon iti agdama.
