Adda idiay Kuala Lumpur, Malaysia ni US President Donald Trump para iti 47th ASEAN Summit and Related Summits.
Personal isuna a sinabat ni Malaysian Prime Minister Anwar Ibrahim iti Bunga Raya Complex ti Kuala Lumpur International Airport.
Napasala pay ni Trump iti tugtog nga ingsagana dagiti lokal a musikero.
Nakatuding a saksian na iti panagperma iti katulagan pangkinakappia iti nagbaetan ti Thailand ken Cambodia iti nasao a summit.
Iti panagsarungkar ti Presidente ti Amerika idiay Malaysia ket paset ti Asia tour ken nakatuding isuna nga agperma ti katulagan pangkalakalan iti pagilian.
Kalpasan ti ASEAN Summit, dumar-ay met isuna iti APEC 2025 idiay South Korea.###
