LA UNION – Sumagmamano a grupo ti nangi-endorso iti beterano nga aktres a ni Vilma Santos nga agbalin a National Artist for Film and Broadcast.
Nangun-una ti grupo a Aktor PH ken 20 nga organisasion ken indibidual manipud iti sektor ti edukasion ken paglinglingayan ti nangidaulo iti panangi-endorso kenni Vilma.
Kinuna ni actor PH board member Dingdong Dantes nga adu ti naawat ti beterano nga aktres a pammigbig ken acting awards manipud iti nadumaduma a pelikula kas iti “Darna”, “Dyesebel”, “Anak” ken dadduma pay.
Agingga ita ket awan pay ti pormal a komunikasionda iti makunkuna a “Star for All Season”.
Kalpasan ti panagbalinna nga artista, Ni Vilma Santos ket sinirrek na pay iti lubong ti politika.
