BR LA UNION– Pimmusayen iti beterana nga actress a ni Nora Aunor iti edad a 71.
Kinumpirma daytoy iti anak na a ni Kristoffer Ian De Leon idi Abril 16, 2025.
Pimmusay daytoy bayat ti pannaka-ospital na idiay The Medical City, Pasig City.
Saan pay a nadakamat nu anya ti makagapo iti ipupusay ti beterana nga aktres.
Naipasngay ni Nora Aunor wenno Nora Cabaltera Villamayor iti pudpudno a biag idi Mayo 21, 1953 idiay Camarines Sur.
Nangrugi ti career na idi nagkampeon iti Tawag ng Tanghalan idi 1967.
Naglako pay daytoy ti danum iti istasyon ti tren idiay Bicol agingga a nagbalin a sikat a kumakanta.
Iti actress ti nabirngasan a kakaisuna a superstar ti Philippine entertainment industry ken napadayawan ti National Artist for Film and Broadcast Arts.
Isuna pay ti nabirngasan a kaunan nga actress a morena.
