Mangnamnama ni aktres Kris Aquino a maidutok kas opisial iti Department of Health (DOH) tapno tumulong a mangpasayaat iti serbisio ti salun-at ditoy pagilian.
Kinuna ni Aquino a kayatna ti tumulong a mangpababa iti presio ti agas, pakairamanan ti posible a pannakakissay ti buwis kadagiti imported drugs.
Nupay kasta, inadmitir na a saan pay a nakastrek iti serbisio publiko gapu iti salun-at ken autoimmune diseases na nga agtultuloy a maag-agasan.
Impaganetgetna pay ti panagkasapulan kadagiti napudno nga agserserbi iti publiko ken impatalgedna a silulukat nga agserbi iti sidong ti aniaman nga administrasion.
