Pinalagipan ti Department of Health (DOH) iti publiko seknan panagturong kadagiti pasken ken panganan ita a panawen ti Undas.
Kabilang ditoy ti pangta ti food poisoningken dadduma a klase ti sakit a mabalin a kumaru gapu iti nagduduma a klase ti taraon.
Segun iti ahensiya, kaimbagan a limitaran iti panagkonsumo iti nataba, naap-gad, ken namantika a taraon, a masansan nga agbalbalin a mitsa wenno mangpakaru ti hypertension, sakit iti puso (Cardiovascular Diseases), ken chronic kidney disease (CKD).
Imbalakad ti Department of Health a napateg a siguraduen ti kinatalged ken salun-at ti sibubukel a pamilya babaen ti umno a panangisagana ken panangiggem iti taraon—nangruna no iturong ti taraon kadagiti sementeryo tapno sadiay nga agkakadwa a mangan.
Impaganetget pay ti ahensiya ti panangsigurado a saan a kontaminado ti taraon, nangruna mangan kadagiti tanem ken siguradwen nga agusar iti sadiwa a ramen, ad-adu a prutas ken nateng.
Ipas-pasiguro pay ti ahensiya a nasayaat ti pannakaluto dagiti maisagsagana a taraon ken nadalus dagiti pagkargaan a mausar a pagidulinan nu agbalon ti taraon iti sementeryo.
Nagpakdaar met ti ahensiya a saan a mangan ti taraon a nabaybay-an iti ruar wenno naikabil kadagiti tanem, nangruna no nabayagen a nakalukat ken saan a nakaluban dagitoy.
