LA UNION – Maysa a vintage bomb iti aksidente a nakali iti construction site ditoy syudad ti San Fernando, La Union.
Iti interview ti Bombo Radyo La Union iti construction worker a managan Melchor Salazar, pasado alas 11:00 idi aldaw kalman, a nakali da iti nasao a bomba.
Kinuna ni Salazar nga idi immuna ket saan da nga ingkaskaso gaputa impagarop da a maysa laeng daytoy a klase iti ordinaryo a landok ngem idi buyatan da ti danum ket nadiskubre da a maysa met gayam a vintage bomb.
Iti nasao a bomba a mapapati nga idi pay panawen ti maikadwa a gubat sangalubongan, ket adda itan iti custodiya ti Explosive and Ordnance Division (EOD) iti Police Regional Office-One para iti umno a disposisyon.
