Binabalaw ni Bise Presidente Sara Duterte iti baro nga impeachment complaint a maibusor kenkuana nga inpila ti Bagong Alyansang Makabayan (Bayan), ken inawaganna daytoy kas “bargaining chip” nga addaan panggep a makibiang iti 2026 national budget.
Segun ti Bise Presidente, iti baro nga impeachment talk ket mangipakpakita ti pamiliar a pattern nga insilpona iti dinakamat ni Senador Chiz Escudero, Representative Toby Tiangco, ken dadduma pay a mammandat-linteg nga idi Pebrero 2024 – dagiti naurnong a pirma para iti impeachment-na ket naipakat a kasukat dagiti budget allocations.
Impaganetget ni Duterte, mangipakpakita laeng daytoy iti maysa a napolitikaan a panagmaniobra nga ad-adda a nakapamaysa iti presio ngem iti prinsipio.
Binabalawna pay nga awan ti imbestigasion a napasamk tapno pagsungbaten dagiti karaman ti “impeachment signatures” a maipagarup nga nausar laeng tapno tinnagen isuna.
Nakasagana met isuna a mangsungbat iti aniaman nga alegasion a nakabasar laeng iti kinapudno, ngem saan nga agulimek bayat nga us-usaren iti isyu para iti budget-driven racket.
Kabayatanna, segun kenni Bayan Chair Teddy Casiño, nakatuding a maisubmitir iti baro a reklamo inton sumaruno a tawen, a nakapamaysa iti maipagarup a panangabuso iti confidential ken intelligence funds ti Office of the Vice President ken Department of Education.
Agtalek iti kongresista a makagun-odda ti suporta manipud kadagiti mammanday-linteg, kas iti napalabas nga impeachment nga addaan ti nasurok 200 a signatories.#
