Pinasingkedan ni House Blue Ribbon Committee Chairman ken Manila Rep. Joel Chua nga imbitaran da manen iti hearing inton bigat ni Vice President Sara Duterte.
Iti interview ti Bombo Radyo kenni Rep. Chua, kinunana nga apaman dumar-ay ni VP Sara Duterte iti hearing ket kasapulan ay nga agsapata daitoy sakbay nga agsao.
Impaganetget ni Chua a saan da a palubosan ti inaramid a damo ti Bise Presidente a nagkedked nga agsapata.
Iti hearing ti House Committee on Good Government and Public Accountability ket panagtultuloy ti imbestigasyon mainaig ti panaggastar ti P612 million confidential funds ti Office of the Vice President ken Department of Education idi ti Bise paylaeng ti sekretaryo.
Kinuna ni Chua nga imbitado latta ni Chief of Staff ni VP Sara a ni Atty. Zuleika Lopez nga agdama a naka-admit sadiay Veterans Memorial Medical Center idiay Quezon City kalpasan a matalimudaw idi parbangon ti Sabado.
Adda pay ti rumuar a baro nga testigo iti mapasamak nga imbestigasyon.
Nakatuding a makasarita ni Chua ni House Sgt at Arms retired MGen. Napoleon Taas mainaig iti pannakaiyakar kenni Lopez a nasken ken naideretso kuma idiay Women’s Correctional, Mandaluyong City.
Immuna a naiturong ni Lopez idiay VMMC ngem naiyakar metlaeng daitoy idiay St. Lukes Medical Center idiay Quezon City ken idiayen a nabasaan ti transfer order ti PNP CIDG.
Nupay kasta, manipud St. Lukes Medical Center ket naideretso daitoy pasubli idiay Veterans Memorial Medical Center (VMMC).
