Dumanon ti walo a national road sections iti agtaltalinaed a sarado kadagiti motorista manipud iti nadumaduma a rehiyon ti pagilian gapo iti epekto ti naglabas a Bagyong Crising ken iti habagat kasta met dagiti dadduma pay a weather systems.
Kaadwan kadagiti kalsada ket saan a madalanan gapo iti panaglayos, landslide wenno panagreggaay ti daga, ken dagiti natumba a kayo.
Dagiti nasao a kalsada ket dagiti sumaganad:
- Kennon Road, Tuba, Benguet
- Parañaque Sucat Road, batig ti SM Sucat
- Sumagmamano a paset ti Dagupan ken Tarlac Road
- Roman Expressway idiay Bataan
- Talisay-Laurel-Agoncillo Road idiay Batangas
- Liloy–Siocon Road idiay Zamboanga del Norte
Malaksid kadagitoy ket limitado met a madalanan dagiti agarop 17 a national road sections gapo kadagiti precautionary closure, nadadael nga slope protection, ken dagiti kalsada a nadadael gaputi layos, pakairamanan dagiti sumaganad:
- Taft Avenue idiay Maynila
- Sumagmamano a kalsada idiay Bataan, Pampanga, Bulacan, Batangas, ken Zamboanga del Norte
- Bacoor-Dasmariñas National Road ken Aguinaldo Highway, Cavite
Kabayatanna, amin dagiti national roads ken rangtay kadagiti apektado a lugar malaksid kadagiti nadakamat ket mabalin a dalanan dagiti motorista ken amin a klase ti behikulo.
Mainaig iti daytoy ket agtultuloy iti isaysayangkat a monitoring ti DPWH kabinnulig dagiti lokal a gobierno tapno napartak a masungbatan dagiti insidente kadagiti kalsada.#
