Tiniliw dagiti otoridad ti maysa a wanted person idi sardam kalman idiay Brgy. Malibong Urbiztondo, Pangasinan.
Nabigbig ti suspek a ni Garry de Vera Bonifacio, 33 anyos, addaan asawa, vendor ken residente ti nasao a lugar.
Dagiti personnel ti Urbiztondo Municipal Police Station ket tiniliwda ti nasao nga akusado gapu ti panaglabsing na ti PD 1612 wenno (Anti -Fencing Law) babaen iti bileg ti warrant of arrest a napetsaan ti June 22, 2022, nga impaulog ni Hon. Rhodalyn N. Montemayor-Bayas, Assisting Judge, 1st Judicial Region, Branch 56, idiay San Carlos City Pangasinan.
Ti suspek ket agtaltalinaed iti kustodiya ti Urbiztondo Urbiztondo Municipal Police Station para iti naan-anay a disposition daytoy.
