Wanted person nga addan ti kaso a rape, natiliw idiay Bangar, La Union

Natiliw ti maysa nga wanted person idiay Brgy. Paratong #4, Bangar, La Union.

Nabigbig iti suspek a ni Ramil Bumatay, 42 anyos, addan asawa, OFW ken residente ti Brgy. Reyna Regente, Bangar, La Union

Ti pannakatiliw ti suspek ket indaulwan ti Bangar Police Station ken dadduma a unit ti kapulisan babaen iti bileg ti Warrant Of Arrest gapu iti kaso a Rape wenno Violation of Art 111 Sec 5 ti RA 7610.

Narekomendaan ti suspek iti piyansa a P200,000.00, babaen iti pammilin ni Hon. Judge Manuel R Aquino of RTC, Br 34, Balaoan, La Union idi February 9, 2015.