LA UNION – Na-korner iti police checkpoint iti maysa a wanted person nga an-anopen dagiti otoridad gaputi kaso a robbery.
Iti pannaki-koordinar ti Bauang Police Station iti Burgos PNP, nakemmeg iti checkpoint a naisayangkat iti national highway idiay Barangay New Poblacion, Burgos, La Union iti suspek a nabigbig iti nagan a Joseph Onoza Jr., 29, addaan asawa, ken residente ti Barangay Acao idiay ili ti Bauang.
Na-intercept ti suspek bayat a nakalugan iti kulay dapo a kotse, nga awanan ti plate number.
Natiliw iti suspek babaen ti bileg iti warrant of arrest, napetsaan ti May 9, 2018 ken impaulog ni Hon. Judge Jacinto dela Cruz ti RTC Br 33 Bauang, La Union.
Iti agdama, ti suspek ket addan iti kustodiya ti Bauang PS para iti umno a disposisyon.
