Inyunay-unay ti Palasyo a saan a nakalipat ni Presidente Ferdinand Marcos Jr. kadagiti tattao a dakkel iti naitulong da kenkuana.
Daitoy ti reaksyon ti Palasyo iti kinuna ni sigud nga Ilocos Sur Gov. Luis ‘Chavit’ Singson nga arig na adda alzheimer’s nan ni PBBM gapo ta kasla saan nga am-ammo isunan ti Presidente kalpasan ti eleksyon. Innayon pay ni Singson a saan nan ton a suportaran dagiti Marcos.
Segun kenni Palace Press Officer Claire Castro, nupay saan na a masinunuo nu nakadanon iti presidente iti agparparang a panagpasugnod ni Singson, impasiguro na met a saan daitoy a nakalipat.
Para kenni Castro, amangan a saan pay a nakapagsarita dagiti dua agsipud ta naggapo mismo kenni Singson nga addaan da iti napintas a relasyon kenni PBBM.
