Kalpasan ti napasamak nga insidente ti pannakalmes a nakairamanan iti 3 nga ubbing nga agkakabsat idiay Brgy. Pugo iti ili a Bauang, La Union, binalakadan ni Punong Brgy. Esteban Estigoy dagiti residente nga asideg iti karayan nga liklikan ti agturong sadiay nangnangruna dagiti ubbing tapno saanen a maulit ti insidente.
Segun kenni Punong Brgy. Estigoy, kitkitaenda ti pannakaikabil ti warning sign iti lugar a nakapasamakan ti insidente.
Kinuna pay ti nasao nga opisyal, dua a lawasen nga agkurkurob ti Department of Public Works & Highways (DPWH) iti lugar no sadinno ket tarigagay daytoy a saan nga aglupyas ti danum tunggal adda panaglalayos wenno panagtudo na.
Innayon na pay nga koordinasyon ti operasyon iti DPWH iti Barangay..
Maipalagip, naglmes ti tallo nga agkakabsat nga agtawen ti 2 anyos ken kambal a uppat anyos iti karayan nga aguneg ti 10 a kadapan idiay Barangay Pugo, Bauang La Union itay kanikadua a malem.
Iti agdama, nakaimassayagen ti bangkay dagiti biktima iti family house dagitoy tapno malamayan.
