Mapapati nga adda idiay Portugal ni sigud nga Ako Bicol party-list Representative a Zaldy Co.
Daytoy iti inwaragawag ni DILG Secretary Jonvic Remulla iti kangitingitan ti agtultuloy a panagbirok ken imbestigasion mainaig iti kaso ni Co.
Nagpanawagan pay isuna kadagiti Pilipino nga adda kadagiti nadumaduma a paset ti lubong a dagos nga alaan ti retrato ken i-post online no makitada iti sigud a kongresista.
Segun ti sekretario, makatulong ti publiko iti dagos a panagkalap ti impormasion maipapan iti lokasion ni Co.
Awanan ti extradition treaty iti Pilipinas idiay Portugal, ngem mangar-aramid ti wagas iti Department of Foreign Affairs (DFA) tapno mapapartak iti repatriations wenno panangiyawid kenni Co ditoy Pilipinas.
Inpakaammo pay ni Remulla iti maar-aramid a whole of government approarch tapno maarestar iti pugante a manmanday-linteg.
Impasigurado ti sekretario a kadagiti sumaganad nga aldaw ket matiliwen dagiti naibilang a ‘big fish’ iti flood control anomaly.#
