Iti kaunaan a gundaway, inwaragawag ni Ukraine President Volodymyr Zelensky a nakasagana na nga isurrender ti territory ti Ukraine iti Russia tapno malpasen ti gera ti nagbaetan da.
Inaramid ti Presidente ti Ukraine ti nasao nga waragwag iti interview kenkuana ti maysa a British television news channel idi Biyernes.
Kinunana ket kabaelan nga isurrender ti pagilian da ti teritoryo, temporario kasukat ti pannakaipasidong dagiti teritoryo a kontrolado latta ti Ukraine iti North Atlantic Treaty Organization (NATO).
Innayon pay ni Zelensky a nu napagtulaganen iti ceasefire ti baetan da iti Russia, mabalinen a makinegosasyon ti Ukraine iti diplomatiko a wagas tapno maisubli ti teritoryo iti makin-daya a paset da a ti agdama ket kontrolado paylaeng iti Russia.
Daitoy a waragwag ni Zelensky ket mangipakpakita iti dakkel a panagbalbaliw ti tignay na.
Immuna gaminen a kinuna ti Kyiv nga itultuloy da ti makirinnanget iti Russia agingga aisubli ti bigbigbigen ti international community a teritoryo ti Ukraine pakairamanan dagiti rehion a sinakop ti Russia ken inaramid nga annex idi 2022, karaman ti Crimea.
Kabayatanna, idi nadamag ni matanong met ni Zelensky nu nakasagana na nga isurrendert ti intero a Ukraine iti Russia kasukat ti full membership da iti NATO, kinuna ni Zelensky a posible iti daitoy ngem awan met kano iti nangidiaya nga agbalin da a miyembro ti NATO’ iti mayamyasa a paset ti Ukraine wenno iti dadduma pay paset ti pagilian da.
Imbatad ni Zelensky nga adda dagiti dadduma a pagilian nga immanamong iti ceasefire agreement iti baetan ti Ukraine at Russia.
Apaman maresolba ceasefire deal, magarantiya iti daitoy a saanen a sublianan pay ni Russian President Vladimir Putin iti Ukraine.
