Nakagun-od ti nagduduma nga reaksyon manipud kadagiti mangmangged, employers, ken labor groups ti naaprobaran a ₱50 a panagngato ti sueldo para kadagiti minimum wage earner idiay National Capital Region (NCR).
Kinuna ni Bukluran ng Manggagawang Pilipino President Atty. Luke Espiritu a nuay bigbigbigen da ti ₱50 a kanayunan a sueldo ket mamati da a saan latta nga umdas daitoy para kadagiti inaldaw-aldaw a gastosen da. Nagriri met dagiti sumagmamano nga employers group para iti nasao a wage hike.
Segun kenni Employers Confederation of the Philippines (ECOP) President Sergio Ortiz-Luiz Jr., nupay raraemen da ti desisyon ti Wage Board, saan laeng a ₱50 ti aktwal nga ited da kadagiti empleyado agsipud ta karaman pay ditoy dagiti overtime pay ken allowances.
Kabayatanna, inawagan met a barya ni Kamanggagawa Representative Eli San Fernando daitoy a panagngato ti sueldo. Kinunana a saan a responsive ti Regional Wage Board kadagiti pagkasapulanb dagiti mangmangged.
Impaganetget na rumbengen a mabuwag ti Regional Wage Board agsipud ta kadawyan a pumabor dagiti desisyon da kadagiti dadakkel a negosyante.
Babaen ti baro a wage order nga epektibo inton Hulyo 18, maipangaton ti ₱695 ti minimum wage para ti non-agricultural sector manipud ti ₱645 bayat a manipud met ti ₱608 ket naipangato ti ₱658 ti minimum wage para ti agricultural sector idiay NCR.
