Pinarot ken inuram dagiti otoridad ti P14-million a gatad ti marijuana plants kabayatan ti joint eradication operation idiay Buscalan, Tinglayan, Kalinga idi kalman, Oktubre 3, 2023.
Nakipaset iti eradication operation dagiti personnel ti PDEA Regional Office I (PDEA RO I), PDEA CAR-Kalinga Provincial Office, 2nd Provincial Mobile Force Company (PMFC) Kalinga, 53rd MICO, 5th MIB, 5th ID, Philippine Army (PA) ken Tinglayan Police Station.
Sigun iti Regional Director ti PDEA Regional Office I a ni Director III Joel B. Plaza, pinarot ken pinuoran dagiti otoridad ti agarup 70,500 a puon ti fully grown marijuana plants manipud iti tallo a plantation sites nga addaan kalawa a mapattapatta a 7,000 square meters.
Dagus a dinadael ken pinuoran dagiti otoridad dagiti naparot a marijuana plants iti plantasion a mismo.
