LA UNION – Mapattapatta a dimmanon iti $1.1-bilion ti nairekord a foreign investment iti pagilian para iti bulan ti Mayo ita a tawen.
Segun iti Bangko Sentral ng Pilipinas (BSP), $139 million wenno 15.2% a nangatngato ngem iti $914 million a nairekord idi Abril.
Ngimmato daytoy gapu iti PSE-listed securities ken peso government bonds.
Dagiti pagilian a nagpuunan ket naggapu kadagiti pagilian ti United Kingdom, Estados Unidos, Singapore, Luxembourg, ken Norway.
Iti sabali a bangir, bimmaba met ti gross outflows ti pagilian idi napan a bulan no idilig iti Abril a $1-billion.
Segun iti datos ti BSP, nakarekord ti pagilian iti panag-ngato ti foreign investments iti 24.6%.
