Nagsuwek iti baro a record low a P63.09 iti balor ti piso kontra US dollar idi Lunes (October 19) gapu iti agtultuloy a panagpigsa ti greenback gapwanan dagiti geopolitical uncertainty ditoy lubong.
Maibasar iti exchange rate, bimmaba ti 10.5 centavos iti balor ti piso manipud P62.985 idi Biyernes, bayat a dimmanon iti $1.778 bilyon ti pakabuklan a volume ti sinnukatan, a mas nangatngato kumpara iti immun-una a $1.598 bilyon.
Inlawlawag ni Philippine Institute for Development Studies (PIDS) Senior Fellow John Paolo Rivera, a dagiti kangrunaan a makagapo iti panagkapsot ti piso ket iti: nangato a presyo ti langis, geopolitical tension, dumakdakkel a balance of payments (BOP) deficit, ken nangato a demand iti foreign currency.
Impaganetget met ti ekonomista a ni Michael Ricafort nga external factor ken nalawa a panagpigsa ti dolyar iti kangrunaan a makagapo iti panagkapsot ti piso, ngem agtaltalinaed a mas stable ti piso kumpara iti dadduma a kuwarta wenno currency gapu iti posible nga interbensyon ti Bangko Sentral ng Pilipinas (BSP).
Nagballaag met dagiti ekonomista a ti dak-dakkel a pangta ket nu agpaut ti nakapsot a piso a mabalin a mangigubway iti nagtangato nga inflation ken mangibaba iti kabaelan a gumatang dagiti pamilya a Pilipino.
