Impangato ti Bangko Sentral ng Pilipinas (BSP) iti 5.5 percent ti kangrunaan nga interest rate-na kasaruno ti manmanama a panagpartak ti implasyon a mabalin a mangpangina kadagiti gagatangen ken mangpadagsen iti gastusen dagiti Pilipino.
Segun iti BSP, nagkeddeng ti Monetary Board a mangipatungpal iti 50-basis-point increase idi Oktubre 21, 2026, tapnu malapdan ti agtultuloy a panagngato ti presyo dagiti produkto ken serbisyo.
Karaman kadagiti rason ti panagngina ti sangalubungan a presyo ti produkto petrolyo gapu iti tensyon idiay Middle East, panagngato ti plete iti transportasyon, ken posible nga epekto ti El Niño iti produksyon dagiti produkto manipud iti agrikultura.
Inngato pay ti BSP iti 6 percent ti forecast para iti inflation inton 2027, manipud iti immuna a 5.4 percent.
Manamnama a makaapektar ti nangatngato nga interest rates iti panagutang dagiti negosyo ken konsumers, nupay tarigagay daytoy a malapdan ti nalawlawa a panagngato ti presyo iti ekonomiya .
