Agtultuloy a sangsangwen a karit dagiti agtagikua kadagiti babassit a negosyo gapu iti panagngato ti presyo dagiti magat-gatang gapwanan ti agtultuloy a panagngato ti presyo iti krudo ken liquified petroleum gas wenno LPG.
Iti pannakiuman ti Bombo Rady kenni Shylla Mae Emperador, maysa a mangiman-manehar iti karinderya, saan da a nagipangato ti balor dagiti ilaklako da a taraon laksid a ngimmato ti gastos da iti operasyon.
Kinuna na nga amken da a bumassit dagiti customers nu ingato da ti presyo iti ilaklako da a naduma-duma a putahe ti taraon.
Kinuna na a kadaywan a costumers da dagiti tsuper ti bus, konduktor, ken pasaheros nga agsapsapul ti kabaelan a presyo ti taraon.
