LA UNION – Naan-anayen a pimmusay ti maysa manipud iti walo a nasugatan nga supporters ni sigud a Congressman Eufranio ‘Franny’ Eriguel kabayatan a maag-agasan ii Ilocos Training & Regional Medical Center (ITRMC) idiay San Fernando City, La Union
Kinumpirma daytoy ni Atty. Cherry Ponzalan, chief of staff ni La Union 2nd District Congresswoman Sandra Eriguel a nabigbig a ni Ricardo Santiago alyas Patrick Manabat, 40, residente ti Barangay San Marcos iti ili ti Agoo.
Immuna ditoy, karaman ni Santiago iti walo nga nasugatan iti tama ti bala ti paltog dagiti suspek nga pimmatay iti sigud a mammanday linteg kabayatan iti panagbetla na iti miting de avance idiay Barangay Capas iti ili ti Agoo Sabado ti rabii.
Makipagladinget met ti pimilya Eriguel iti napagteng ti supporter dagitoy.
