Maysa ti natay idinto a 1 ti mapukpukaw kalpasan a nalmes iti kabaybayan a sakop Barangay Taboc,San Juan, La Union idi kalman December 26, 2023.
Dagiti biktima ket agkasinsin a babai ken lalaki nga edad 9 ken 12 anyos residente ti Barangay Palina, Kibungan, Benguet.
Maibasar ti nakalap nga impormasyon ti Bombo Radyo La Union manipud iti Philippine Coast Guard sub-station San Juan, dagiti biktima kadwa ti pamilyada ket simmangpet idiay Villa Violeta Beach Resort agarop alas 9 ti bigat tapno rambakan ti Paskua.
Naamuan a napan nagdigos iti baybay dagiti biktima idi kelaat nga inguyod isuda ti dakkel a dalluyon.
Kalpasan ti 10 minutos immuna a nasarakan ti bagi na ti 12 anyos a biktima a lalaki kagiddan ti pannakaiturong na ti Bacnotan District Hospital ngem naideklara a dead on arrival babaen iti attending physician.
Iti agdama, agtultuloy latta ti search and retrieval operation iti Philippines Coast Guard, Provincial Dissaster Risk Reduction Management Office ken Municipal Dissaster Risk Reduction Management Office tapno sapolen ti bagi ti 9 anyos a biktima a babae.
