LA UNION – Naideklara a dead on arrival iti La Union Medical Center ti maysa a balasang kalpasan a malmes iti karayan idiay Barangay Garcia, Tubao, La Union.
Nabigbig ti pimmusay a biktima a ni Ada Mae Romero, 13, residente ti Barangay Pangao-aoan West ti ili nga Aringay.
Maibasar iti police report, dagiti biktima a da Joy Ann Romero, 13, ken Ada Mae ket kaduada dagiti gagayyemda a nagdigos iti karayan idi malmes dagiti dua nga inarayat dagiti tattao.
Agpada man a naiturong iti pagagasan dagitoy ngem ni laeng Joy Ann iti nakalasat ken madama nga agpapaimbag.
