LA UNION – Malamlamayan itan ti motorcycle rider kalpasan a maaksidente ti manmanehuenna a motorsiklo idiay Barangay Ili Norte, ili ti San Juan, La Union.
Nabigbig ti pimmusay a ni Alvin Galvez, 20, residente iti Barangay Baraoas, ili ti Naguilian.
Base iti imbestigasyon ti San Juan Police, maipagarup a nag-over take ti nasao a motorsiklo kasaruno iti pannakaidungpar daytoy ti barrier ti kalsada.
Natay ti motorcycle rider gapu iti nakaro a sinagabana a sugat iti bagi, kabayatan nga adda metten iti natalged a kasasaad ti kalubbonna a ni Reyhard Guerero a taga Casilagan, San Juan.
