LA UNION – Dead on arrival idiay ospital ti maysa a lalaki kalpasan a nagdinnungpar ti maysa a motorsiklo ken pampasahero a bus idiay Barangay San Antonio, ili ti Agoo, La Union.
Nabigbig ti nasao a natay a ni Rolando Galera, 19; ken ti maysa pay a kadduana a nasugatan a ni Philip Repuerzo, agpada a residente iti ili a Tubao, La Union.
Naammuan ti Bombo Radyo manipud ti Agoo Police Station, manipud ti barangay road ket maipagarup nga umallatiw koma ti motorsiklo ida a madalapud daytoy ti bus a manmanehuen ni Robert Arcena Jr., residente ti Bangued, Abra.
Kabayatan, agtaltalinaed pay laeng iti ospital ni Repuerso a maag-agasan dagiti nilak-amna a sugat iti bagi.
Maisagsagana metten ti kaso kontra ti nasao a respondent driver.
