Im-imbestigaran dagiti otoridad ti baro a riot iti New Bilibid Prison sadiay Muntinlupa City.
Naammuan a maysa ti natay idinto a dua ti nasugatan iti panagbagkong.
Segun kenni NBP Acting Superintendent, Corrections Chief Inspector Roger Boncales, napasamak daytoy alas 7:15 ti bigat iti Gate 1-A, Quadrant 4 ti Maximum Security Compound.
Iti agdama saan pay a naipakaammo iti publiko ti nagan ti pimmusay, gapu ta umuna pay a maipakaammo daitoy iti pamilia ti biktima.
Uray dagiti nasugatan ket saan pay a nabigbig, basar iti direktiba ti Bureau of Corrections.
Mainaig iti daytoy, binilin ti BuCor dagiti amin a manager ti operating prisons ken penal farms nga ipatungpalda dagiti nainget a panagannad kadagiti pasilidad nga imatmatonan da.
