Sinuspindir ti Bureau of Corrections ti uppat a New Bilibid Prison personnel bayat nga agtultuloy ti imbestigasyon iti insidente ti pammagkong iti uneg ti pagbaludan idi Enero 2.
Nagresulta ti insidente iti pannakatay ti maysa Person Deprived of Liberty (PDL’s) ken dua pay ti nadundunor.
Nabigbig ti pimmusay a ni Ricardo Peralta ken dagiti dua a nasugatan ket da Reginal Lacuerta ken Bert Cupada.
Maibasar iti palawag ni BuCor Director General Gregorio Pio Catapang Junior, masuspende dagiti uppat a personnel bayat nga agtultuloy ti imbestigasyon ti ahensya.
Nabigbig dagiti nasuspende nga isuda Shift Commander/Acting Commander of the Guards C/INSP Louie Rodelas, Correction Officer 1 Christian Alonzo, Building 8 Keeper, Correction Officer 1 Joshua Mondres, Building 8 Keeper, ken ni Correction Officer 1 Glicerio Cinco Jr., Gate 1A Officer.
Kabayatanna, innayon ni Catpang a daytoy laeng ti pammaneknek nga adda nagkurangan iti operasyon da ken nasken a madusa dagiti tattao iti likudan dagitoy a nagkurangan.
Kiniddaw ni Catapang a makitinnulong met ti National Bureau of Investigation (NBI) ken ti Philippine National Police (PNP) tapno maisayangkat ti parallel investigation iti nasao nga insidente.
