BR LA UNION – Nadun-dunor iti ag-ama kalpasan a maipagarop a binagsol ti suspek idiay Barangay Caoigue, Tubao La Union idi Martes, Abril 28,2026.
Iti suspek ket 29-anyos ken mannalon bayat a dagiti ag-ama a biktima ket 50-anyos, construction worker ken 23-anyos nga anak na a babae ken live-in partner ti suspek, agpapada a residente ti nasao nga barangay.
Maibasar iti inisyal nga imbestigasyon ti Tubao Municipal Police Station, agpar-parang a nabartek ti suspek idi nagawid iti balay da ken idi napasamak ti krimen.
Maibasar iti report, immuna binagsol na ti live-in partner na a babae iti saan nga ammo a rason kalpasanna, maipagarop nga insaruno na a binagsol iti ama ti live-in partner na.
Agpada a nagpasar ti bagsol iti paset ti tiyan dagiti biktima.
Dagiti ag-ama a biktima ket naiturong idiay La Union Medical Center, Agoo La Union para iti medikal nga atensyon ken pannakataming.
Nakarwaren iti ama a biktima manipud iti ospital ngem agtaltalinaed iti pagagasan ti live-in partner ti suspek gapu iti nakaru a sinagaba na a pannakadangran.
Kabayatanna, iti suspek ket adda iti kustodiya ti Tubao Municipal Police Station para iti umno a dokumentasyon ken disposisyon.
