BR LA UNION – Natay ti maysa a 41-anyos a mannalon kalpasan a nabagsol iti barukong na babaen ti naka-inninom na idiay Barangay Ubagan, Santo Tomas, La Union.
Napasamak ti pammagsol agarop ala 1:50 ti malem idi Lunes, Mayo 4, 2026 maibasar iti report dagiti otoridad.
Nabigbig ti biktima a ni Arnel Ofiana, residente ti Barangay Linapew, Tubao, La Union.
Dagus met a natiliw ti suspek a ni Condrado Refuerzo, 66-anyos, mannalon ken residente ti Barangay Cadumanian, Rosario, La Union.
Maibasar iti imbestigasyon dagiti otoridad, naginom iti biktima ken suspek idi timpuar ti nabara a panag-rikkiar dagitoy, a nakaigapwan ti panangbagsol ti suspek iti barukong ti biktima babaen ti kutsilyo.
Dagus a nagresponde dagiti kameng ti Sto Tomas Police Station ken Bureau of Fire Protection (BFP) Santo Tomas iti lugar, a nagresulta ti dagus a pannakatiliw ti suspek.
Naitaray ti biktima idiay La Union Medical Center idiay Agoo, ngem indeklara a dead on arrival ti attending
physician.
Kabayatanna, agtultuloy ti imbestigasyon dagiti otoridad iti nasao nga insidente.
